Carmen González Fernández foi alumna de Tecedeiras nos cursos de verán de 2020. Non tardou moito en sorprendernos coa súa soltura para a narración e co xeito tan persoal da súa escrita, unha base de partida coa que foi un pracer traballar e que nos fixo agardar grandes cousas do seu futuro. Hai unhas semanas, as nosas predicións pareceron comezar a cumprirse. A roda que sempre xira, da nosa antiga alumna, gañaba a edición deste ano do certame de contos Vila de Pontedeume. Sen dúbida, un dos moitos éxitos que agardan por Carmen, a quen lle desexamos o mellor.